М.Савіцкі Янка Купала

        
Цяжка, ды і немагчыма ўявіць нас, беларусаў, без Янкі Купалы...

Аляксей Пысін

         

Усюды, дзе б мы ні былі, куды б мы ні прыехалі, пачуем, як гучаць ад шчырага сэрца ў кожнага чалавека купалаўскія бессмяротныя радкі. Мы чуем, з якім гонарам кожны вымаўляе адно з самых дарагіх і любімых імён у нашым народзе: ЯНКА КУПАЛА!

Пятрусь Броўка

         

Шаноўныя сябры!

        Сёлета мы адзначаем 140-годдзе з дня нараджэння класіка сусветнай і беларускай літаратуры, аднаго з заснавальнікаў новай беларускай літаратуры і сучаснай беларускай мовы, народнага паэта Беларусі Янкі Купалы.
        
         Жыццё яго напоўнена яркімі момантамі і, напэўна, няма ў Беларусі ніводнага чалавека, які не ведаў бы гэта імя. Але каб прыйшлося пазнаёмць іншаземных гасцей з асобай пісьменніка, то ці многа вы расказалі б? Ці змаглі б зацікавіць яго творчасцю, расказаць, чаму так дорага беларусам гэта імя? 

         Таму запрашаем вас прайсці тымі сцяжынкамі, якія праклаў Я.Купала ў беларускай літаратуры і культуры, папоўніць свае веды пра пісьменніка і паўдзельнічаць у вэб-квэсце.

         Вэб-квэст - праблемнае заданне з элементамі ролевай гульні, для выканання якога выкарыстоўваюцца інфармацыйныя рэсурсы Інтэрнэта.